რა უნდა გააკეთოთ იმისთვის, რომ სკოლაში კარგად ისწავლოთ - 7 მარტივი რჩევა

სკოლაში სიარულის აუცილებლობაზე არავინ დავობს, უბრალოდ, მოსწავლეებს დატვირთული სასწავლო პროგრამის, საშინაო დავალებებისა და მკაცრ მასწავლებლებთან ურთიერთობა აშინებთ. 

როგორ უნდა გადალახოთ ზემოთ თქმული დაბრკოლებები და როგორ ისწავლოთ სკოლაში წარმატებით?

 7 რჩევა მოსწავლეებისთვის:

საშინაო დავალება

პირველ რიგში, უნდა მოგიყვეთ საშინაო დავალების ხარისხიანად შესრულებასა და მის ეფექტურობაზე. ბეჯითად და დამოუკიდებლად მუშაობა მთავარია წესია მათთვის, ვისაც კარგად სწავლა სურს.

1. თავდაპირველად, მოაწესრიგეთ თქვენი სამუშაო სივრცე, რადგან სუფთა და კომფორტული გარემო საშინაო დავალების შესრულების ხარისხზე აისახება.

2. პრიორიტეტების მიხედვით შეადგინეთ სამუშაო გეგმა. ეცადეთ, დაიწყოთ რთული საგნებით და ბოლოსკენ მოიტოვოთ  მარტივი მასალა. სწორად შედგენილი გეგმა არა მხოლოდ გააუმჯობესებს საშინაო დავალების შესრულების ხარისხს, არამედ სწორად გადაანაწილებს თქვენს ენერგიას და შეამცირებს მეცადინეობის დროს.

3. იყავით კონცენტრირებულები. მეცადინეობისას ნუ გადაერთვებით სხვა საქმეზე. დათქვით დრო, როდის დაამთავრებთ მეცადინეობას. ეს რჩევა დაგეხმარებათ, გახდეთ უფრო კონცენტრირებულები და პუნქტუალურები.

4. თუ საშინაო დავალება ზედმეტად რთული და დამღლელი აღმოჩნდა, ხელს ნუ ჩაიქნევთ. შეისვენეთ 5-10 წუთით, მოუსმინეთ მუსიკას, მიირთვით შოკოლადი და ახალი ძალებით შეუდექით სწავლას.

სასკოლო სწავლება

საშინაო დავალების ხარისხიანი შესრულება წარმატებით სწავლის 50%-იანი გარანტიაა. 

5. გაკვეთილებზე ყურადღებით უსმინეთ მასწავლებელს და ჩაერთეთ მსჯელობის პროცესში.   შედეგად, საშინაო დავალებების მომზადება გაგიმარტივდებათ და კარგ შეფასებასაც მიიღებთ.

6. თუ მასწავლებელი რეფერატის დაწერა შემოგთავაზებთ, აუცილებლად დათანხმდით. ამ     გზით, კლასგარეშე ლიტერატურასა და ინტერნეტში მასალის მოძიებას ისწავლით და               დამატებით ქულასაც მიიღებთ.

7. მასწავლებლებთან ყურადღებიანი და ზრდილობიანები იყავით. ეცადეთ, მათთან კარგი     ურთიერთობა გქონდეთ. ჰარმონიული გარემო თქვენი სწავლის ხარისხსა და მოტივაციას გაზრდის.

რჩევების წაკითხვის შემდეგ, ალბათ, ფიქრობთ, რომ მათში არაფერია განსაკუთრებული.         თუმცა როგორც კი დაიწყებთ მათ შესრულებას, მაშინვე იგრძნობთ, რომ სწავლაში რთული     არაფერია.

წყარო :  http://www.etaloni.ge